Útbúgving í øllum viðurskiftum, sum hava við starvsfólk at gera. Skeiðið strekkir yvir 3 dagar og inniheldur uppgávuloysnir og stóran hóp av dómsdømum. Skeiðið verður útboðið í samstarvi við Synergi.

Serligt skeið, sum bert snýr seg um mannagongdina, tá løntakarar verða uppsagdir á tí privata arbeiðsmarknaðinum. Avgerðir hjá dómstólum og Løgtingsins Umboðsmanni verða gjøgnumgingnar.

Serlig skeið, sum snýr seg um reglur og mannagongd, tá løntakarar á privata arbeiðsmarknaðinum verða settir í starv ella skulu sigast upp. Greitt verður frá fráfaringaravtalum á privata arbeiðsmarknaðinum. Avgerðir hjá dómstólum og konkret dømi verða gjøgnumgingin.

Ásannandi at løgtingslóg um starvsmenn og løgtingslóg um frítíð við løn hava eina serstøðu sum sera nógv brúktar og týdningamiklar á arbeiðsmarknaðinum, hava vit gjørt eitt skeið, sum intensivt viðgerð øll viðurskifti í hesum lógum niður í smálutir.

Serligt skeið um reglur og møguleikar fyri at gera kappingaravmarkandi avtalur við starvsfólkið fyri at forða fyri óhepnari kapping, eftir at viðkomandi er farin úr starvi. Skeiðið er serliga ætlað stjórum og leiðarum annars í tí privata vinnulívinum.